கனவினான் உண்டாகும் காமம் நனவினான் நல்காரை நாடித் தரற்கு.

— திருவள்ளுவர் (Thiruvalluvar)

🔤

Transliteration

kanavinaan undaakum kaamam nanavinaan
nalkaarai naatith thararku.

🌐 English Translation

English Couplet

Some pleasure I enjoy when him who loves not me
In waking hours, the vision searches out and makes me see.

Explanation

There is pleasure in my dream, because in it I seek and obtain him who does not visit me in my wakefulness.

📚 தமிழ் விளக்கம் (Tamil Explanations)

8 scholars' interpretations

1 மு.வரதராசனார்

நனவில் வந்து அன்பு செய்யாத காதலரைத் தேடி அழைத்துக் கொண்டு வருவதற்காகக் கனவில் அவரைப் பற்றிய காதல் நிகழ்ச்சிகள் உண்டாகின்றன.

2 மணக்குடவர்

நனவின்கண் நமக்கு அருளாதவரைக் கனவு தேடித் தருதலால், அக்கனவின் கண்ணே எனக்கு இன்பம் உண்டாகும். இது கண்டாற் பயனென்னை? காம நுாகர்ச்சியில்லையே என்ற தோழிக்குத் தலைமகள் கூறியது.

3 பரிமேலழகர்

(இதுவும் அது.) நனவினான் நல்காரை நாடித்தரற்கு - நனவின்கண் வந்து தலையளி செய்யாதாரை அவர் சென்றுழி நாடிக் கொண்டு வந்து கனவு தருதலான்; கனவினான் காமம் உண்டாகும் - இக் கனவின்கண்ணே எனக்கு இன்பம் உண்டாகா நின்றது. (காமம் - ஆகுபெயர். நான்காவது மூன்றன் பொருண்மைக்கண் வந்தது. 'இயல்பான் நல்காதவரை அவர் சென்ற தேயம் அறிந்து சென்று கொண்டு வந்து தந்து நல்குவித்த கனவால் யான் ஆற்றுவல்' என்பதாம்.).

4 ஞா.தேவநேயப் பாவாணர்

நனவினான் நல்காரை நாடித் தரற்கு - நனவின் கண் வந்து கூடி யின்பந்தராதவரை இருக்கு மிடந்தேடிச் சென்று தூதர் அழைத்து வரற்கு; காமம் கனவினான் உண்டாகும் - ஏதுவான இன்ப நிகழ்ச்சிகள் கனவின்கண் நிகழ்கின்றன. 'காமம்' ஆகுபெயர்.