மாதர் முகம்போல் ஒளிவிட வல்லையேல் காதலை வாழி மதி.

— திருவள்ளுவர் (Thiruvalluvar)

🔤

Transliteration

maadhar mukampoal oLivida vallaiyael
kaadhalai vaazhi madhi.

🌐 English Translation

English Couplet

Farewell, O moon! If that thine orb could shine
Bright as her face, thou shouldst be love of mine.

Explanation

If you can indeed shine like the face of women, flourish, O moon, for then would you be worth loving ?.

📚 தமிழ் விளக்கம் (Tamil Explanations)

8 scholars' interpretations

1 மு.வரதராசனார்

திங்களே! இம் மாதரின் முகத்தைப் போல உண்ணால் ஒளி வீச முடியுமானால், நீயும் இவள் போல் என் காதலுக்கு உரிமை பெறுவாய்.

2 மணக்குடவர்

மதியே! நீ இம்மாதர் முகம்போல ஒளிவிட வல்லையாயின் நீயும் எம்மாற் காதலிக்கப்படுதி. வாழி- அசை. இது மறுப்போயினதாய முகமென்று கூறப்பட்டது.

3 பரிமேலழகர்

(இதுவும் அது.) மதி வாழி - மதியே வாழ்வாயாக; மாதர் முகம் போல ஒளி விடவல்லையேல் காதலை - இம்மாதர்முகம் போல யான் மகிழும் வகை ஒளிவீச வல்லையாயின், நீயும் என் காதலையுடையையாதி ('மறு உடைமையின் அது மாட்டாய்; மாட்டாமையின் என்னால் காதலிக்கவும்படாய்', என்பதாம். 'வாழி' இகழ்ச்சிக் குறிப்பு.).

4 ஞா.தேவநேயப் பாவாணர்

( இதுவுமது ) மதி - வெண்ணிலாவே ! மாதர் முகம்போல் ஒளிவிட வல்லையேல் - இப்பெண்ணின் முகம்போலத் தேய்தல் வளர்தலின்றியும் களங்கமின்றியும் என்றும் ஒரு தன்மைத்தாய் விளங்க உனக்கு இயலுமாயின் ; வாழி - நீ நீடு வாழ்வாயாக ! ; காதலை - அன்று நீயும் என் காதலையுடையையா யிருப்பாய். நீ அங்ஙனம் விளங்கமாட்டாயாதலின் , என் வாழ்த்திற்கும் காதற்கும் உரியை யல்லை யென்பதாம் .